 |
| Píllara das dunas, Chorlitejo patinegro (Charadrius alexandrinus) G. Ferreiro. |
Hoxe foi un día negro para as Píllaras das dunas (Charadrius alexandrinus) da praia da Lanzada, espazo natural protexido que pertence ao Complexo Ons-O Grove, é Rede Natura 2000, Humidal protexido Ramsar e que está na Reserva Ornitolóxica de SEO/BirdLife.
Xa as 7:10 da mañá, baixou un home co seu can (dunha das 41 autocarabanas do aparcamento central), que empezou a correr detrás das píllaras. En canto o vimos, botámolos fora da prai cunha boa bronca.
Un pouco maís tarde apareceu outro individuo con outro can, e xa cansados, chamamos a policía do Grove, que pronto se presentou e cursou a denuncia pertinente.
 |
| E. González. |
Tamén hoxe andaba pola Lanzada un misterioso Dumper, movéndose pola parte alta da praia, preto da duna, e recollendo paus que arrastrou a marea. Estaría ben que alguén lle explicara a esta xente que non é a época nen a metodoloxía que empregan o axeitado para unha praia que ten nestes momentos 3 niños con poliños pequenos que ainda non poden voar. E algo moi importante, os paus ao igual que as algas que arrastran as mareas NON SON LIXO. Pola contra, forman parte destes ecosistemas costeiros naturais e son necesarios para a propia vida das praias e dunas.
 |
| G. Ferreiro. |
Ademáis tamén nos atopamos con outras ameazas novas.
 |
| A. Silva. |
O peor de todo é que un dos poliños que xa cumprira 24 días de idade, tiña unha á ferida. Era a á esquerda e presentaba unha torsión evidente que impediría o seo voo. Esta lesión condenaría a pequena píllara a unha morte segura.
Vídeo da píllara ferida, probablemente polo ataque dun can. G. Ferreiro.
Polas evidencias que habia na praia, con unha grande cantidade de pegadas de cans na zona onde se movían as píllaras, lévamos a pensar que sufriu un ataque dun can.
 |
| Pegadas de can que se introducen no balizado do niño. G. Ferreiro. |
Finalmente non quedou outra alternativa que capturar o poliño e envíalo ao Centro de Recuperación de Fauna Silvestre da Xunta de Galicia para que os veterinarios tenten recuperalo e posteriormente se poida soltar na praia onde naceu.
 |
| G. Ferreiro |
Unha vez mais queremos chamar a atención en que evitar a extinción desta especial ave depende da implicación de todos. Tanto os usuarios das praias como as administracións e axentes da autoridade deben implicarse dunha forma decidida e seria, e cumprir e facer cumprir as leis de forma clara e contundente.
