A fin de semana do 5 e 6 de outubro ten lugar o maior atopo dedicado ás aves con numerosos eventos e actividades para todos os públicos. Nesta ocasión o Día das Aves estará vinculado ao traballo que realizou SEO/BirdLife ao longo de 70 anos polas Aves, coincidindo co noso aniversario. Unha celebración aberta á participación con máis de 100 puntos de toda España e máis de 200 actividades como roteiros guiados, talleres infantís e puntos de observación de aves, entre outras moitas actividades. Este ano, coincidindo coa celebración do 70 Aniversario de SEO/BirdLife queremos dar a coñecer toda a nosa traxectoria e accións que realizamos. Sete décadas despois do gran compromiso daqueles fundacionais, a organización decana da conservación do medio ambiente en España supera os 24.000 socios e socias, e conta con máis de 180.000 simpatizantes. SEO/BirdLife conta ademais con dez delegacións, tres oficinas técnicas, corenta e cinco grupos locais, e seis grupos de traballo. Convidámosvos a participar nunha nova edición, unha cita anual especial pola motivación de quen participas. E porque o que nos une é o amor e respecto polas aves, que nos axudan a recuperar a conexión coa natureza. O grupo local SEO-Pontevedra celebrará o Día das Aves o domingo 6 de outubro cunha charla a cerca da Píllara das dunas e un roteiro guiado pola Resérva Ornitoloxía de SEO/BirdLife do Grove, a Reserva Ornitolóxica máis grande de España, a única que hai en Galicia e a primeira que inclúe medio mariño. Este evento aberto e gratuíto trata de poñer en valor a gran riqueza da Reserva e concienciar sobre a conservación das aves e a natureza. Sal ao campo, goza das aves e colabora coa súa conservación!! Se queres máis información sobre a saída só tes que enviarnos un correo.
As prazas son limitadas e van por orde de inscrición.
Para poder participar nas
excursions de SEO-Pontevedra é imprescindible inscribirse.
