CRÓNICA DE VIAXE POLO SUR DA PROVINCIA DE PONTEVEDRA

E. González.

 

O domingo fixemos unha interesante excursión por distintos hábitats naturais do sur de Pontevedra: intermareal,  medio mariño,a serra e  desembocadura do río Miño.

Ao longo da xornada puidemos observar a gran variedade de paisaxes, plantas e aves que caracteriza estes espazos, así como coñecer mellor a riqueza natural da zona. Aínda que o calor foi intenso, disfrutamos moito da natureza, da boa compañía e de cada unha das paradas do percorrido. Sen dúbida, foi unha experiencia moi agradable para compartir, aprender e desfrutar da observación de aves en entornos tan diversos.

Identificamos 40 especies de aves. A destacar: Lampareiro eurasiático, Mazarico chiador, Fuselo de rabo negro e Fuselo de rabo pinto, Virapedras común, Bilurico pativerde, Carrán cristado, Garza boieira occidental (37), Picapeixe común, Lavandeira amarela, Cullereiro común, Águia pescadora, Tartaraña das xunqueiras, Pedreiro cincento (9), Papamoscas negro…

E. González.

EXCURSIÓN ORNITOLÓXICA

  

   

 O día 20 de setembro realizaremos unha saída ornitolóxica para visitar diferentes espazos do sur da provincia de Pontevedra.

Será unha boa oportunidade para achegarnos á ornitoloxía no campo, aprender a identificar diferentes especies e descubrir o importante papel que desempeñan os diferentes ecosistemas na conservación da biodiversidade.

Durante a actividade prestaremos especial atención ás aves acuáticas que comezan a chegar á nosa comarca coa migración postnupcial, así como ás pequenas aves residentes e migratorias que podemos atopar nestes hábitats. Tamén buscaremos aves rapaces, algunhas das cales aínda permanecen na nosa rexión durante estas datas.

A saída permitirá coñecer a diversidade de especies presente nos ecosistemas que percorreremos, observar os cambios que se producen nas comunidades de aves coa chegada do outono e comprender a importancia destes espazos como áreas de alimentación, descanso e refuxio durante os movementos migratorios

 .

Para inscribirse ou ter mais información sobre a saída só tes que enviarnos un correo.

As prazas son limitadas e van por orde de inscrición.

 Para poder participar nas excursions de SEO-Pontevedra é imprescindible inscribirse.

CRÓNICA DE VIAJE POR EL SUÍDO

 

E. González.

El Suído es un sistema montañoso situado en la provincia de Pontevedra, de elevado valor ecológico, que alberga poblaciones de lobo ibérico y diversas especies de aves rapaces de interés para la conservación.

Se trata de una zona de media montaña, fuertemente erosionada, de relieve suavizado y con una altitud máxima de 1.151 m en O Faro de Avión.

Las cotas más elevadas conservan hábitats de braña, pastizales, brezales y tojales, mientras que las laderas están ocupadas por robledales, bosques de abedules y masas de pinar de origen principalmente forestal.

En las cotas inferiores destacan los bosques de ribera, que constituyen hábitats de elevado interés natural.

Despues de recorrer algunos de estos espacios, presentamos  la relación de las especies de aves más destacadas: Buitre leonado (9), culebrera europea, aguilucho cenizo, águila calzada, busardo ratonero, cernícalo vulgar, halcón peregrino, alcaudón dorsirrojo, perdiz roja, alondra común, avión roquero, golondrina común, avión común occidental, curruca rabilarga, escribano montesino, etc.

E. González.
 

SERRA DO SUÍDO

 

O vindeiro domingo 26 de xullo faremos unha visita a Serra do Suído, na provincia de Pontevedra.

Serra con extraordinario valor faunístico na que intentaremos ver as aves que ocupan este espazo natural, principalmente aves estivales que veñen de África como as rapaces ou diversos paxariños.

Para inscribirse ou ter mais información sobre a saída só tes que enviarnos un correo.

As prazas son limitadas e van por orde de inscrición.

Para poder participar nas excursions de SEO-Pontevedra é imprescindible inscribirse.

CIENCIA CIUDADANA PARA CONSERVAR OS VIAXEIROS DO CEO QUE VIVEN NA CIDADE DE PONTEVEDRA

G. Ferreiro.

Esta semana, en colaboración co Concello de Pontevedra e enmarcado nun proxecto de Custodia Urbana, organizamos un obradoiro aberto ao público dedicado aos cirrios e as anduriñas, dous grupos de aves urbanas que desempeñan un importante papel ecolóxico e que sorprenden pola súa extraordinaria bioloxía.

A xornada comezou cunha charla divulgativa na que descubrimos algúns dos aspectos máis fascinantes do seu ciclo de vida.

Estas aves pasan a maior parte da súa existencia en voo, onde se alimentan, descansan e mesmo dormen. Tamén abordamos as principais ameazas que afectan ás súas poboacións, especialmente a perda de lugares de nidificación como consecuencia da rehabilitación e do illamento dos edificios, así como as medidas de conservación que permiten compatibilizar as obras coa protección das súas colonias.

Gustavo Santos. Faro de Vigo.

 O principal obxectivo do obradoiro foi implicar á cidadanía na conservación destas especies mediante un proxecto de ciencia cidadá. Para iso, as persoas participantes aprenderon a utilizar unha aplicación móbil coa que rexistrar o maior número posible de edificios que albergan colonias de cirrios e avións na cidade. A creación deste inventario permitirá identificar e protexer estes enclaves de reprodución, facilitando a aplicación de medidas de conservación cando se leven a cabo reformas ou actuacións nos inmobles de Pontevedra.

G. Ferreiro.

 Tras a charla realizamos un percorrido por diferentes edificios de Pontevedra para observar algunhas das colonias xa inventariadas. Durante a ruta identificamos os distintos elementos arquitectónicos que utilizan estas aves para aniñar, como aleiros, cornixas e pequenas cavidades, comprendendo así a estreita relación que existe entre a arquitectura tradicional e a biodiversidade urbana. 

 

Gustavo Santos. Faro de Vigo.

 O obradoiro foi todo un éxito, tanto pola elevada participación —a sala completou o seu aforo— como polo interese e a curiosidade que espertaron estas especies. Actividades coma esta demostran que a divulgación científica e a participación cidadá son ferramentas fundamentais para coñecer, valorar e conservar a rica biodiversidade que convive connosco en cidades como Pontevedra.

 

Edificio con colonia de vencejos en Pontevedra. E. González.

ORADOIRO SOBRE ANDURIÑAS E CIRRIOS

 

CRÓNICA DE VIAXE POLA LIMIA

 

E. González.

O pasado domingo realizamos unha interesante excursión pola comarca da Limia e a contorna do que foi a antiga lagoa de Antela. Cunha temperatura agradable duns 28 ºC e baixo un ceo maiormente anubrado, os participantes na saída gozamos dunha excelente xornada de observación da natureza.

Ao longo do percorrido puidemos rexistrar un total de 52 especies de aves, cifra que pon de manifesto a riqueza ornitolóxica desta zona húmida e dos seus arredores.

E. González.

 

Esta é a lista das aves identificadas:

Nome científico	Nome galego	Nome castelán
Coturnix coturnix	Paspallás migrador	Codorniz común
Podiceps cristatus	Mergullón cristado	Somormujo lavanco
Ciconia ciconia	Cegoña branca	Cigüeña blanca
Nycticorax nucticorax	Garza de noite	Martinete común
Bubulcus ibis	Garza boieira	garcilla bueyera
Ardea cinerea	Garza real	Garza real
Phalacrocorax carbo	Corvo mariño grande	Cormorán grande
Hieraaetus pennatua	Aguia calzada	Aguila calzada
Milvus migrans	Miñato negro	Milano negro
Circaetus gallicus	Cobreira europea	Culebrera europea
Circus pygargus	Tartaraña cincenta	Aguilucho cenizo
Gallinula chloropus	Galiña de auga común	Gallineta común
Columba oenas	Pomba seixa	Paloma zurita
Columba palumbus	Pombo torcaz	Paloma torcaz
Streptopelia turtur	Rula brava	Tórtola europea
Streptopelia decaocto	Rula turca	Tórtola turca
Apus apus	Cirrio común	Vencejo común
Falco tinnunculus	Lagarteiro común	Cernícalo vulgar
Garrulus glandarius	Gaio eurasiático	Arrendajo euroasiático
Pica pica	Pega rabilonga	Urraca común
Corvus corone	Corvo pequeno	Corneja negra
Periparus ater	Ferreiriño negro	Carbonero garrapinos
Cyanistes caeruleus	Ferreiriño azul	Herrerillo común
Lulula arbórea	Cotovía pequena	Alondra totovía
Alauda arvensis	Laverca dos campos	Alondra común
Riparia riparia	Anduriña das barreiras	Avión zapador
Hirundo rustica	Anduriña común	Golondrina común
Ptyonoprogne rupestris	Anduriña dos penedos	Avión roquero
Delichon urbicum	Anduriña de cu branco	Avión común occidental
Cettia cetti	Rousinol bravo	Cetia ruiseñor
Phylloscopus ibericus	Picafollas ibérico	Mosquitero ibérico
Cisticola juncidis	Carriza dos xuncos	Cistícola buitrón
Sylvia atricapilla	Papuxa das amoras	Curruca capirotada
Troglodytes troglodytes	Carriza común	Chochín paleártico
Sturnus unicolor	Estorniño negro	Estornino negro
Turdus merula	Merlo común	Mirlo común
Turdus viscivorus	Tordo visgueiro	Zorzal charlo
Erithacus rubecula	Paporrubio	Petirrojo europeo
Phoenicurus ochruros	Rabirrubio tizón	Colirrojo tizón
Saxicola rubicola	Chasco europeo	Tarabilla europea
Passer domesticus	Pardal común	Gorrión común
Motacilla flava	Lavandeira amarela	Lavandera boyera
Motacilla alba	Lavandeira branca	Lavandera blanca
Fringilla coelebs	Pimpín común	Pinzón común
Chloris chloris	Verderolo europeo	Verderón común
Linaria cannabina	Liñaceiro de bico escuro	Pardillo común
Carduelis carduelis	Xílgaro europeo	Jilguero europeo
Serinus serinus	Xirín europeo	Serín verdecillo
Emberiza cirlus	Escribidor de papo negro	Escribano soteño
Emberiza calandra	Chincharaiz	Escribano triguero

LAGOA DE ANTELA E CONTORNA

O domingo 14 de xuño faremos unha saída a comarca da Limia, pola zona da desaparecida lagoa de Antela (OU) e contorna.

Intentaremos avistar as aves que nestas datas ocupan este espazo.

Se queres acompañarnos, para inscribirte ou recibir mais información sobre a saída só tes que enviarnos un correo.

As prazas son limitadas e asignaranse por orde de inscrición.

Para poder participar nas excursions de SEO-Pontevedra é imprescindible inscribirse.

Green Gap - Congreso Innovación en infraestructuras verdes

Esta semana participamos neste interesante congreso sobre infraestrutura verde e custodia do territorio, que se celebra no Pazo da Cultura de Pontevedra.

Aquí podes atopar máis información e formalizar a túa inscrición.

3º NIÑO DE PÍLLARA DAS DUNAS

E. González.

Onte tivemos unha nova moi especial na Reserva Ornitolóxica do Grove: atopamos o terceiro niño de píllara das dunas desta tempada.

O achado produciuse noutra das praias do espazo protexido, o que reforza a idea de que esta limícola continúa atopando aquí un lugar axeitado para reproducirse.

Pero… por que é tan importante este tipo de descubrimentos?

A píllara das dunas (Charadrius alexandrinus) é unha ave limícola que aniña directamente na area, facendo apenas unha pequena depresión no chan onde deposita os ovos. Esta estratexia, aínda que efectiva en contornas naturais pouco alteradas, convértea nunha especie moi vulnerable á actividade humana. O paso de persoas, cans  ou mesmo a limpeza mecánica que fan nalgunhas praias poden destruír niños case invisibles a simple vista.

Para aumentar as súas posibilidades de éxito, xa quedou  instalada unha gaiola de protección —que permite á ave entrar e saír con normalidade pero impide o acceso de depredadores— e un balizado disuasorio que sinaliza a zona e pide ás persoas que manteñan distancia.

Este tipo de medidas son fundamentais, pero non suficientes sen a colaboración cidadá. Se visitas praias onde habita a píllara das dunas, lembra:

• Respectar sempre as zonas balizadas
• Evitar achegarte aos niños, aínda que parezan abandonados
• Non levar os cans a praia.
• Circular polas zonas húmidas e non polas áreas dunares

Cada pequeno xesto conta. Grazas á combinación de conservación activa e sensibilización, especies como a píllara das dunas teñen unha oportunidade real de saír adiante.

Este terceiro niño é, sen dúbida, unha excelente noticia e un motivo máis para seguir coidando e divulgando o valor ecolóxico da Reserva Ornitolóxica do O Grove. Agora toca estar pendentes da súa evolución… e cruzar os dedos para que dentro dunhas semanas poidamos falar de novos poliños correndo pola area.