jueves, 28 de noviembre de 2019

A AVE DO ANO NO BARBANZA, A CORUÑA

Durante este outono membros do noso grupo local percorremos unha gran parte dos colexios de primaria da comarca do Barbanza (A Coruña) para levarlle aos mais pequenos un agasallo: a Píllara das dunas.


Foron 492 alumnos e 37 profesores dos concellos de Boiro, A Pobra do Caramiñal, Ribeira, Porto do Son e Noia, a quenes dímoslle a coñecer esta limícola, falámoslle da importancia da sua protección, dos problemas cos que se enfrenta e como eles coas suas pequenas pero importantes accións, poden colaborar na conservación de esta especie tan emblemática das suas praias.


Tamén onte no Auditorio do museo Valle-Inclán da Pobra do Caramiñal, impartimos unha charla, neste caso para adultos, para mostrar os resultados do proxecto e as medidas de conservación que este ano SEO-Pontevedra levamos a cabo coas píllaras das dunas do Barbanza.




Tanto nenos como profesores e público en xeral, mostraron moito interés polo coñecemento desta  ave protexida, polo  que todos foron obsequiados con posters, trípticos e marcapáxinas ilustrados coa Ave do Ano 2019.



Todas estas actividades englóbanse no "Proxecto de Conservación da Píllara das dunas (Charadrius alexandrinus) na península do Barbanza. A Coruña", no que colabora a Deputación da Couña.

No hay comentarios:

Publicar un comentario