 |
| Macho e femia de Píllara das dunas. Abril 2020. G. Ferreiro. |
Hoxe no percorrido polas praias do Salnés onde nidifican as píllaras das dunas (Charadrius alexandrinus), despois de moito anos atopamos nunha praia de Sanxenxo un niño con 2 ovos. Neste concello facía 6 anos que non aniñaban as píllaras, ainde que o intentaron cada ano.
Na praia da Reserva Ornitolóxica de SEO/BirdLife do Grove, hoxe tamén atopamos un segundo niño con 3 ovos e outro con 1.
De momento temos un total de 4 niños de píllara das dunas.
Quenes non faltaron foron os cans soltos por todas partes.
 |
| 17/05/2020. G. Ferreiro. |
Con esta lideira que temos agora coa praia e cos cans, e que vai en aumento, cada ano hai que empezar de 0. É desesperante.
 |
| 17/05/2020. G. Ferreiro. |
As píllaras das dunas son aves protexidas porque corren perigo de
desaparecer de Galicia. Para que isto non ocorra só necesitan tranquilidade e
praias onde non se peneire a area, é dicir, praias naturais e sas.
Ademais é moi importante que non haxa cans nos areais, xa que os cans son
un factor de perturbación biolóxica moi grande, pois causan moito estrés nos
adultos, o que pode provocar abandono de postas e depredación de pitos.
Saúdos! Boa nova que volvan a Sanxenxo aínda co impacto do "caninovirus"... Moito ánimo co voso traballo, Damián
ResponderEliminar