PÍLLARA DAS DUNAS

En toda esta tempada de confinamento nada supemos de como iba a reprodución das pillaras das dunas (Charadrius alexandrinus) das praias do Salnes.

Hoxe percorremos o areal de Montalvo no concello de Sanxenxo e localizamos 1 parella,  había ademáis xente paseando, surfeiros e como non algún can solto.

Píllara das dunas.  06/05/2020. Montalvo.  Foto: G. Ferreiro

Tamén controlamos a praia da Lanzada no concello do Grove e ahí localizamos un total de 11 píllaras, formando 5 parellas asentadas nos seus territorios e unha píllara mais que saíu voando preto da duna. Pode ser que esta última sí teña ovos ou polos.

Nesta praia non había ninguén salvo un can que merodeaba polo areal.

En Area da Cruz e Mexilloeira, tamén do Grove non había ninguen pero tampouco localizamos píllaras.

Recordamos a importancia e necesidade de manter as algas nos areais xa que forman parte do seu ecosistema e son necesarias para a vida das praias.

Agora que xa empezamos a sair do longo confinamento, lembramos a todas as persoan que vaian a estas praias non leven cans, por que están xa prohíbidos nesta época (lembremos que as píllaras son especies ameazadas e protexidas), xa que poden producir abandono de niños e depredación de poliños.

Pedimos compromiso e responsabilidade das administración, dos usuaríos das praias e donos de cans para que poidan convivir as píllaras coas nosas mascotas, PERO EN LUGARES DIFERENTES !!!