CRUZ ROJA, PÍLLARAS E RESERVA ORNITOLÓXICA DO GROVE

E. González.

 

Este sábado dende SEO-Pontevedra fixemos unha  actividade de voluntariado coa ONG Cruz Roja na Praia  de Area da Cruz, ubicada na Reserva Ornitolóxica do Grove e areal onde nifica a Píllara das dunas (Charadrius alexandrinus), que como sabedes é un ave protexida pola súa vulnerabilidade.

A actividade consistiu na posta a punto do areal para a nova tempada de píllaras, cunha limpeza de residuos da area e principalmente coa extracción de prantas exóticas invasoras da duna como Carpobrotus edulis ou Arctotheca  calendula.

G. Ferreiro.

 A implicación dunhas 50 persoas voluntarias asi como o seu entusiamo pola actividade foi  moi satisfactoria ata o punto de  que se retiraron 2.500 kilos de prantas exóticas invasoras.

Grazas a todos os voluntarios de Cruz Roja por adicar  o seu tempo libre a conservar a natureza!!

Actividade de Voluntariado: Proxecto LIBERA coa Deputación de Pontevedra

 

LIBERA, unidas e unidos contra a basuraleza

O proxecto LIBERA nace como unha iniciativa de SEO/ BirdLife, a organización ambiental decana en España, en alianza con  Ecoembes, organización ambiental sen ánimo de lucro que coordina a reciclaxe de envases no noso país. Estas únense para loitar contra a  basuraleza a través do coñecemento, a prevención e a participación. Desde a súa posta en marcha fai tres anos LIBERA mobilizou a máis de 60.000 persoas e colaborou con máis de 860 organizacións e colectivos, converténdose nun proxecto pioneiro que busca sensibilizar a todos os públicos. Como buque insignia creou "1  m2 pola natureza", para mobilizar a todas as heroínas e heroes de LIBERA.

Neste senso a Deputación de Pontevedra ben de programar dúas actividades en praias da nosa provincia e que estarán guiadas por persoal especializado de SEO Pontevedra.

A primeira será na praia de Area da Cruz, O Grove o próximo 26/09/20 e a segunda na praia de Nerga, Cangas o 03/10/20 . 

Se queres participar ou ter mais información segue este enlace.